8M, Dia Internacional da Muller | Concello de Boiro

O Concello de Boiro conmemora o 8M, Día Internacional da Muller, cunha serie de activiades. 

Por un lado, o venres 7 de marzo ás 11.00 horas na planta baixa da Casa Consistorial de Boiro terá lugar o acto institucional coa lectura do manifesto e o acompañamento da Escola de Música de Boiro. 

O xoves 6 de marzo, as mulleres dos talleres de Memoria da Cruz Vermella de Boiro van participar nun programa do IES Praia Barraña nomeado “As mulleres, motor da nosa vida” mediante o que contarán as súas vivencias ao alumnado do centro.

Para dar visibilidade e promover este día e o Centro de Información á Muller do Concello de Boiro, o local GinLab terá unha hamburguesa especial durante o mes de marzo nomeada Naomi Parker en homenaxe á muller estadounidense icono feminista que deu lugar ao cartel famoso da muller co mono de traballo e pano no puño da campaña We can do it.

Ademais, o Concello de Boiro continúa co programa Muller e Saúde con novas actividades. 

Venres 14 de marzo, 16 a 20 horas – Centro Social de Abanqueiro: Recursos básicos para a xestión emocional

Venres 21 de marzo, 16 a 20 horas – Centro Social de Abanqueiro: Estilos de vida saudables - mindfullness

Venres 28 de marzo, 16 a 20 horas – Centro Social de Abanqueiro: Xardinería terapéutica

Sábados 5, 12 e 26 e abril, 11 a 12 horas - Centro Social de Abanqueiro: Adestramento de solo pelviano 

Sábado 21 de xuño, 10.00 horas - Adestramento en autodefensa 

Inscrcións e información 

Centro de Información á Muller (CIM) de Boiro 

Este enderezo de correo está a ser protexido dos robots de correo lixo. Precisa activar o JavaScript para velo.

669 582 674

Muller e Saúde novembro | Concello de Boiro

O Concello de Boiro suma novas propostas ao ciclo Muller e Saúde para o mes de novembro con a actividades gratuítas destinadas a informar e formar en materia de saúde en asuntos que afectan ao benestar físico e emocional da muller.

• Alimentación antinflamatoria 

15 de novembro, de 17.00 a 20.00 horas 
Centro Social de Boiro 

• Beneficios do adestramento de forza para prevención de enfermidades

29 de novembro, de 17.00 a 20.00 horas 
Centro Social de Boiro 

Información e inscricións 

Este enderezo de correo está a ser protexido dos robots de correo lixo. Precisa activar o JavaScript para velo. 

981 84 48 00 ext. 1285 / 1282 

Programa actividades 25N 2024 | Concello de Boiro

O Concello de Boiro celebra o 25N cun acto institucional e charlas no marco do programa Muller e Saúde. 

O acto central terá lugar o luns 25 e novemebro ás 12.00 horas na Casa Consistorial de Boiro coa lectura do manifesto institucional e a performance nomeada “As paisaxes de Camille”, unha acción artística sobre a loita contra a violencia de xénero realizada pola Asociación Ambar.

Ademais, durante o mes de novembro vanse levar a cabo dúas actividades dentro do programa Muller e Saúde, unha proposta que busca promover o benestar físico, mental e emocional da muller.

Charla sobre Alimentación Antiinflamatoria, impartida polo dietista da Consellería de Sanidade, Iván Parada Barral
venres 15 de novembro, 17.00 horas - Centro Social de Boiro 

Charla sobre os Beneficios do adestramento de forza para a prevención de enfermidades, impartida polo técnico do Servizo de Estilos de Vida Saudables da Consellería de Sanidade, Orlando Blanco Iglesias
venres 29 de novembro, 17.00 horas - Centro Social de Boiro 

Convocatoria de axudas para gastos sociais 2024 | Concello de Boiro

O Concello de Boiro convoca unha liña de axudas destinadas a facer fronte a gastos específicos para persoas con recursos insuficientes co obxectivo de paliar situacións de exclusión social. A finalidade destas axudas é dar resposta a situacións puntuais de necesidade derivadas de gastos específicos relacionados con necesidades básicas.

O BOP núm. 148 do 2 de agosto de 2024 publica as bases reguladoras das axudas do POS+ 2024 para gastos sociais extraordinarios e a súa convocatoria.

As bases poden consultarse AQUI. 

Tipoloxía das axudas 

Liña 1. Reforzo dos servizos e axudas económicas para respiro familiar e medidas de conciliación. 

Liña 2. Reforzo dos dispositivos e axudas económicas para a atención a persoas sen fogar que carezan de medios económicos suficientes para asegurar a cobertura destas necesidades.

Liña 3. Axudas económicas para os gastos de consumo enerxético á persoas consumidoras. 

Solicitudes 

A solicitude deberá formularse presentando o Anexo I cumprimentado, xunto coa documentación recollida na base 7ª da convocatoria. 

O prazo de presentación de solicitudes permanecerá aberto ata o 15 de decembro de 2024 ou ata que se remate a consignación orzamentaria. 

Máis información 

Departamento de Servizos Sociais do Concello de Boiro 

Descargas:

BASES.pdf