DeporCampus 2024 | Concello de Boiro

O Concello de Boiro colabora coa Escola de Fútbol Municipal de Boiro na celebración do Depor Campus que organiza a Fundación Deportivo e que se celebrará do 15 ao 19 de xullo nas instalacións municipais de Valiño.

A actividade está dirixida a rapaces e rapazas de 6 a 14 anos e terá un horario de 10:00 a 14:00 horas. O obxectivo desta actividade é aprender e desenvolver a coordinación a través de xogos coordinativos; aprender habilidades e conceptos na relación co corpo e o balón; traballar fundamentos técnico-tácticos, partidos e competicións.

As inscricións xa están abertas e poden facerse a través da web ata o 9 de xullo ás 14:00 horas.

O prezo de inscrición é de 125 euros ou 105 para xogadores da EFM Boiro ou outros supostos.