Os Concellos de Boiro, Rianxo e A Pobra desenvolven unha nova edición do Programa Integrado de Emprego para o curso 2025/2026.
Este programa está destinado a 100 persoas da comarca inscritas como demandantes de emprego que, durante 12 meses, van recibir formación específica acorde aos sectores produtivos da zona así como xornadas destinadas a mellorar as habilidades de empregabilidade e inserción laboral.
OFERTA FORMATIVA
- Condución de carretillas elevadoras
- Acompañamento en transporte escolar
- Organización do almacén
- Office: Word, Excel, Access e Power Point
- Iniciación á creación de páxinas web
- Firma dixital
- Chat GPT e intelixencia artificial
- Operacións básicas de caixa
- Piloto profesional de drons STS
- Técnicas e procedementos de limpeza en aloxamentos
- Xestión de recepción
- Identificación de alérxenos e manipulación de alimentos en establecementos de hostalería e restauración
- Aplicación de fundamentos básicos en cociña
- Pastelería: postres para restauración
- Elaboración de pezas cárnicas
- Peixaría
- Charcutería
ACCIÓNS A DESENVOLVER NO PROGRAMA
- Servizo integral de formación, orientación e asesoramento laboral
- Formación en habilidades sociolaborais e en técnicas de busca efectiva de emprego
- Sesións de coaching para a busca de emprego
- Formación e asesoramento sobre mobilidade laboral e emprendemento
- Formación transversal en idiomas e novas tecnoloxías
- Formación específica para o emprego
- Prácticas profesionais non laborais
- Prospección de ofertas laborais e emparellamento de ofertas coas demandantes de emprego participantes no Programa
Posta a disposición dos servizos municipais para favorecer a conciliación. Aposta das novas tecnoloxías para reducir a presencialidade, adaptación horaria, flexibilidade e adaptación a cada persoa usuaria.
Inscricións e máis información
Centro de Formación e Viveiro de Empresas (Pol. Industrial de Espiñeira)
659 247 963
650 042 409
Este enderezo de correo está a ser protexido dos robots de correo lixo. Precisa activar o JavaScript para velo.
O Concello de Boiro abre o prazo de inscrición para as Aulas de Educación Secundaria de Persoas Adultas para o curso 2025-2026 e que se van desenvolver de luns a xoves en horario de 20.00 a 22.00 horas no Centro Social de Boiro.
Estas ensinanzas están destinadas a persoas maiores de 18 anos que non posúan o título da ESO e ofrecen a posibilidade de adquirir, actualizar ou complementar os coñecementos e aptitudes do alumnado para o seu desenvolvemento persoal e profesional.
Entre os obxectivos específicos destas aulas están os que adquirir e actualizar a formación básica, mellorar a cualificación profesional, adquirir novos conceptos, técnicas e habilidades para unha adaptación ao mundo laboral actual.
A aula de persoas adultas do Concello de Boiro está adscrita ao IES San Clemente de Santiago de Compostela, desprazándose o profesorado do centro a Boiro para as avaliacións. Os cursos son cuadrimestrais e o horario das clases será de luns a xoves de 20.00 a 22.00 horas na Casa da Cultura de Boiro co obxectivo de que sexan compatibles coa xornada laboral.
Ofrécense un total de 50 prazas en catro módulos: 1º, 2º, 3º e 4º, podéndose realizar dous módulos en cada curso escolar e cada un dos módulo consta de diversos ámbitos: científico-tecnolóxico (matemáticas, bioloxía, física), ámbito lingüístico (galego, castelán, inglés ou francés) e o ámbito social.
Requisitos das persoas participantes
Ter máis de 18 anos.
Poderán matricularse menores de idade, cando acrediten suficiente e documentalmente algunha das seguintes circunstancias:
- Non poder asistir regularmente a un centro ordinario na modalidade presencial por enfermidade ou discapacidade física.
- Estar interno nunha institución penitenciaria ou en réxime pechado nun centro de reeducación de menores baixo a custodia da Vicepresidencia da Igualdade e Benestar.
- O alumnado que acredite cursar ou ter cursado un programa de garantía social.
- Desempeñar unha actividade laboral xustificada con documentación fidedigna da empresa e a alta na seguridade social, ou acreditar o compromiso para realizar un contrato en prácticas nunha empresa.
- Cando concorran outras circunstancias de carácter extraordinario distintas das sinaladas anteriormente, a Delegación Provincial que corresponda poderá autorizar cursalas tralo informe favorable do Servizo de Inspección Educativa.
Prazo e presentación de solicitudes
As solicitudes deberán presentarse no Rexistro Xeral ou sede electrónica do Concello de Boiro entre o 3 e o 22 de setembro.
Para novas matrículas: ANEXO I e copia do DNI
Para continuidade de estudos: ANEXO II
