Licitación de postos vacantes no mercadillo municipal de Boiro | Concello de Boiro

O Concello de Boiro saca a licitación as autorizacións para a ocupación de postos vacantes no mercadillo municipal dos martes de Boiro. 

O BOP núm. 68 do 8 de abril de 2024 publica a relación de postos a licitar e os requisitos. 

Consulta aqui o Prego de cláusulas administrativas.

Consulta aqui o Prego de prescripcións técnicas. 

Prazo e presentación de solicitudes 

O prazo de presentación de solicitudes será de 15 dias naturais a contar dende o día seguinte ao da publicación deste anuncio. 

A documentación presentarase nun único sobre pechado e identificado no seu exterior, con indicación da licitación á que concorren e firmados polo licitador. 

A documentación deberá presentarse no Rexistro Xeral do Concello de Boiro, aberto de luns a venres en horario de 9.00 a 13.30 horas. 

Descargas:

PCAP. Prego de condicións administrativas.pdf

PPT. Características postos mercadillo semanal.pdf

Formación Aula CeMIT - marzo 2024 | Concello de Boiro

O Concello de Boiro programa novos cursos en novas tecnoloxías para o mes de febreiro a través da Aula CeMIT do Centro Social.

• Libreoffice Writer 
  do 6 ao 29 de febreiro de 10.00 a 12.00 horas 
• Libreoffice Calc (Google Apps e outras) 
  do 4 ao 7 de marzo de 10.00 a 12.00 horas 
• Libreoffice Base
  do 11 ao 14 de marzo de 10.00 a 12.00 horas
• Libreoffice Impress 
  do 18 ao 21 de marzo de 10.00 a 12.00 horas 

Información e inscricións 

Este enderezo de correo está a ser protexido dos robots de correo lixo. Precisa activar o JavaScript para velo. 

981 84 26 35

629 769 139

Pleno ordinario do 29 de febreiro de 2024 | Concello de Boiro

O Concello de Boiro celebra este xoves día ás 20.00 horas o Pleno ordinario correspondente ao mes de febreiro de 2024. A sesión poderase seguir en directo a través da canle de YouTube do Concello de Boiro, dispoñible AQUI. 

Orde do día da sesión:

1. Aprobación provisional do ditame sobre a modificación puntual do PXOM para a modificación da ordenanza 6.2 “Parque empresarial de Espiñeira”.
2. Aprobación definitiva do ditame do estudo de detalle formulado, mediante iniciativa particular, por Conservas Rianxeira S.A.U., redactado por D. Amancio Losada Vicente co obxecto de reordenar os volumes da parcela sur do PSIS de Bodión.
3. Aprobación do ditame sobre a bonificación do 95% da cota do imposto sobre construcións, instalacións e obra a favor da Fundación AMICOS para construción dunha edificación para a actividade de taller prelaboral e de inserción laboral de astillado e traballos con madeira, no lugar de Bermo.
4. Aprobación inicial do ditame da modificación núm. 1/2024 das bases de execución orzamentaria.
5. Aprobación do ditame polo que se desestima a solicitude presentada por ESTRELLA DEL MAR SLU para a prórroga da concesión de dominio público outorgada polo Concello de Boiro con data 11/03/1993 para a explotación dun servizo de bar-restaurante en Praia Xardín.
6. Aprobación do ditame sobre a compatibilización de empregado público para o exercicio de actividades privadas.
7. Aprobación do ditame de modificación puntual nº1 da realización de postos de traballo.
8. Moción do grupo municipal do Partido Popular de apoio aos agricultores e gandeiros de España.
9. Moción do grupo municipal do Partido Popular en relación coa atención primaria.

Descargas:

Pleno ordinario febreiro 2024.pdf

Punto limpo municipal | Concello de Boiro

O Concello de Boiro desenvolve un proxecto para a mellora da información no punto limpo de Espiñeira co obxectivo de facelo máis accesible e favorecer a correcta separación de residuos. As actuacións están financiadas pola Unión Europea-NextGenerationUE. 

As actuacións que se están a levar a cabo teñen como finalidade mellorar o punto limpo de Espiñeira realizando dúas accións. Unha delas, a primeira que xa se levou a cabo, foi mellorar a información existente sobre o funcionamento do punto limpo xunto coa renovación das placas identificativas en cada un dos contedores para favorecer a prevención, recollida separada e a adecuada clasificación de fluxos de residuos.

Ademais neste ano 2024 vaise ampliar a capacidade da fracción “recollida de podas” debido ao gran incremento que se está a producir nos últimos meses tras a aplicación da normativa de residuos e solos contaminados para unha economía circular.

As actuacións están cofinanciadas mediante o fondo europeo relativo ao Mecanismo de recuperación e resiliencia da UE no marco do Plan de recuperación, transformación e resiliencia, financiado pola Unión Europea-NextGenerationUE, a través da Vicepresidencia Segunda e Consellería de Presidencia de Medio Ambiente, Territorio e Vivenda que convoca axudas a entidades locais en materia de residuos de competencia municipal.

Horario do punto limpo municipal 

Martes a sábado en horario de 10.00 a 14.00 horas e de 16.00 a 20.00 horas

Pechado os luns, domingos e festivos. 

Recollida voluminosos porta a porta 

Solicitude previa no  981 83 89 08 ou o enderezo electrónico Este enderezo de correo está a ser protexido dos robots de correo lixo. Precisa activar o JavaScript para velo..

Descargas:

CALENDARIO 2024. RECOLLIDAS VOLUMINOSOS. BOIRO.pdf