Concurso de disfraces e carrozas Entroido 2024 | Concello de Boiro
O Concello de Boiro convoca para o vindeiro martes 13 de febreiro o tradicional concurso de disfraces e carrozas no marco da programación cultural do Entroido 2024.
Poderán participar neste concurso todas as asociacións, comunidades, grupos culturais, veciñais ou persoas que o desexen.
O concurso terá lugar o martes día 13 de febreiro de 2024 ás 18.00 horas na Praza de Galicia, percorrendo as rúas de Boiro para rematar no mesmo lugar.
O BOP núm 23 do 31 de xaneiro de 2024 publica as bases do concurso.
Modalidades
- Individual/ parella: participantes a partir dos 13 anos, farán constar o nome do disfrace e a persoa/s que se presenta.
- Grupos: aqueles que estean formados polo menos por tres participantes maiores de 13 anos cunha temática común.
- Carroza: aparello móbil conformado por unha plataforma ou varias debidamente adornadas e acorde coa temática do grupo. A carroza etará formadas como mínimo por catro persoas.
Premios
| INDIVIDUAIS | GRUPOS | CARROZAS |
| 1º 300 euros | 1º 600 euros | 1º 1200 euros |
| 2º 200 euros | 2º 300 euros | 2º 800 euros |
| 3º 150 euros | 3º 250 euros | 3º 500 euros |
| 4º 100 euros | 4º 200 euros |
O anexo II de solicitude de premio está dispoñible nesta páxina.
Inscricións
Presencial ou vía telefónica no Centro Social de Escarabote ou no teléfono 981 84 99 50, de luns a venres de 10.00 a 13.00 horas.
Correo electrónico: Este enderezo de correo está a ser protexido dos robots de correo lixo. Precisa activar o JavaScript para velo.
*o prazo de inscrición rematará o xoves 8 de febreiro ás 13.00 horas.
*as persoas que non se inscribiran dese xeito poden facelo no mesmo día dende as 16.30h ata as 17.30h na Praza de Galicia.
O impreso de inscrición (ANEXO I) e impreso de declaración (ANEXO III) pode descargarse nesta páxina.
