Concello de Boiro

III Feira de Emprego do Barbanza | Concello de Boiro

O Concello de Boiro celebra a III Feira de Emprego do Barbanza que terá lugar o 16 de abril.

Trátase dunha xornada para impulsar o talento e a economía local que se celebrará no Centro de Formación, Innovación, Emprego e Emprendemento Lab Barbanza, situado no Polígono de Espiñeira.

Tras o éxito de edicións anteriores, esta terceira convocatoria consolida o seu compromiso co desenvolvemento económico e coa creación de oportunidades laborais na comarca do Barbanza, buscando fortalecer o vínculo entre empresas e persoas en procura activa de emprego.

A feira desenvolverase durante unha xornada e contará coa participación de empresas de distintos sectores produtivos, entidades formativas e servizos de orientación laboral. Durante a xornada desenvolveranse simultaneamente foros para empresarios, charlas de interese relacionadas co emprego e a mellora da empregabilidade e as novas tendencias do mercado laboral. Ademais, as persoas asistentes poderán entregar os seus currículos nos stands das empresas participantes.

Por que deben asistir as empresas?

A participación das empresas nos foros de temática laboral e empresarial que se establecerán é recomendable para fortalecer a competitividade, reputación e capacidade de adaptación. Seguindo os temas das mesas poderán:

Coñecer como evitar o absentismo laboral e incrementar a produtividade.
Como actuar ante a Inspección de Traballo, erros, situacións máis comúns.
Coñecemento de novas tendencias laborais, cambios normativos, boas prácticas e innovación na xestión empresarial.
Coñecer como fortalecer a imaxe corportativa, demostrando compromiso co desenvolvemento empresarial, manterse actualizada e activa dentro do seu sector.
Establecer networking e alianzas estratéxicas: conectar con outras organizacións, xerar oportunidades de colaboración e ampliar rede de contactos profesionais.

Por que deben asistir as persoas en búsqueda de emprego ou mellora do mesmo?
Para quen está en procura activa de emprego, a feira é unha ocasión única para:

Recibir asesoramento individualizado sobre orientación laboral, mellora do currículum e habilidades laborais.
Ter acceso directo a empresas con procesos de selección abertos.
Entrega do currículo en man nos stands habilitados.
Posibilidade de realizar entrevistas no propio evento.
Participación en charlas informativas sobre branding, orientación laboral e profesional.
Ampliación da rede de contactos profesionais.

Xornadas en homenaxe aos boirenses fusilados en Boisaca en 1937

O Concello de Boiro colabora coa Comisión pola Recuperación da Memoria Histórica do Barbanza na organización, os días 21 e 22 de febreiro, dunhas xornadas en homenaxe ás persoas boirenses fusiladas no cemiterio de Boisaca en 1937.

PROGRAMA:

Sábado 21 de febreiro - Pazo de Goiáns

11.00h - inauguración institucional das xornadas

Conferencias históricas:

A represión franquista en Boiro e na comarca do Barbanza (1936-1939). Antonio Míguez
As vítimas boirenses de Boisaca: biografías e contexto histórico. José Deira - Rocío L. Yáñez

Coloquio:

Dialogo con familiares das víimas e investigadores locais

12.30h - pausa café

13.00h - roteiro polos lugares da memoria de Boiro, guiado por especialistas e membros da CRMH

Domingo 22 de febreiro - Cemiterio de Boisaca (Santiago de Compostela)

12.00h - acto conmemorativo en lembranza das persoas boirenses fusiladas en 1937

intervencións institucionais e de familaires
inauguración do monumento memorial
lectura dos nomes das oito vítimas
ofrenda floral diante do monumento memorial
peche musical

XIX Encontro Arqueolóxico do Barbanza | Concello de Boiro

O Concello de Boiro celebra os días 28 de febreiro e 1 de marzo o XIX Encontro Arqueolóxico do Barbanza, que terá lugar no Pazo de Goiáns.

Esta cita, que comezou no ano 2007, mantén o seu obxectivo de trasladar os resultados dos traballos arqueolóxicos realizados na comarca do Barbanza nos que se presta especial atención á arte rupestre e ás investigacións recentes doutras partes de Galicia.

Inscricións e máis información

centroarqueoloxicodobarbanza.org

PROGRAMA:

Sábado 28 de febreiro

09.00h – acreditación e entrega de documentación

10.30h – acto de apertura

11.00h – Martínez Mendizabal, Ignacio. Cuatro décadas de excavaciones e investigaciones en la Sima de los Huesos

12.15h – descanso

12.45h – Salas Mendizabal, Antonio. Genes que cuentan historias: huellas africanas en la Galicia actual que datan de la Gallaecia antigua

17.00h – Ramos Soriano, Mario. Pistomarcos na Alta Idade Media: ds descomposición do estado romano á xénese do feudalismo

17.30h – Taboada Durán, MªElena e Vilariño Salgueiro, Nerea. Excavacións en Meira (Moaña): de torre a castelo

18.00h – García Casas, David. Arqueoloxía das paisaxes gandeiras na Serra do Suído: rabaños, chozos e comunidades rurais na época moderna (Fornelo de Montes, Pontevedra)

18.30h – descanso

19.00h – Bal García, Hugo. Subsistencia e bioiversidade nas Serras Orientais de Galicia ao longo do Plistoceno superior

19.30h – Rabuñal Gall, José Ramón; Díaz-Rodríguez, Mikel e Lombao Vázquez, Diego. Novas investigación nos xacementos prehistóricos de Cova do Santo (Pardollán) e A Pena Xiboi (Parga)

20.00h – Verdonkschot, Jadranka. Reconstruyendo el paisaje megalítico de la Serra do Barbanza: resultados preliminares de recientes trabajos e campo

Domingo 1 de marzo

10.00h – Iriarte Chiapusso, María José. Las sociedades prehistóricas del norte peninsular ante un entorno cambiante

11.15h – García Suárez, Aroa. Tierras que cuentan historias: la vida cotidiana Çatalhöyük y otras comunidades neolíticas de Turquía vista al microscopio

12.30h – descanso

12.45h – Garcês, Sara. Investigaçao e divulgaçao a Arte Rupestre do Compexo do Vale do Tejo e do Vale de Ocreza: Metodologías e Perspectivas

14.00h – clausura da edición

Descargas:
PROGRAMA.pdf

Pleno ordinario do 19 de febreiro de 2026 | Concello de Boiro

O Concello de Boiro celebra este xoves día 19 o Pleno ordinario correspondente ao mes de febreiro.

A sesión poderase seguir en directo a través da canle de YouTube.

Orde do día da sesión:

Aprobación da acta da sesión ordinaria do 29 de xaneiro de 2026.
POS+ adicional para gastos sociais extraordinarios.
Moción do grupo municipal do PSdeG-PSOE en relación co financiamento de Axuda no Fogar.
Moción do grupo municipal do PSdeG-PSOE en relación coas modificación introducidas na Lei 5/2016, de 4 de maio, de patrimonio cultural de Galicia.
Moción do grupo municipal do BNG sobre o Centro Social de Escarabote.
Moción do grupo municipal Boiro Novo/mixto para dotar de pavimento de parqué o pavillón de Praia Xardín.
Bonificación ICIO explanación de parte dunha parcela no lugar de Bermo.

Descargas:
Pleno ordinario do 19 de febreiro de 2026.pdf

Cursos aula CeMIT febreiro 2026 | Concello de Boiro

A Aula CeMIT do Concello de Boiro ofrece novos cursos de formación en novas tecnoloxías que se van levar a cabo durante o mes de febreiro de 2026.

Programa formativo

Manexo do teléfono móbil (básico) - do 2 ao 5 de febreiro de 10.00 a 12.00 horas
Trámites electrónicos - do 9 ao 11 de febreiro de 10.00 a 12.00 horas
Deseño gráfico con Inkscape (basico) - do 16 ao 18 de febreiro de 10.00 a 12.30 horas
Folla de cálculo (medio) - do 23 ao 26 de febreiro de 10.00 a 12.30 horas

Información e inscricións

Aula CeMIT - Centro Social de Boiro

Este enderezo de correo está a ser protexido dos robots de correo lixo. Precisa activar o JavaScript para velo.

981 84 26 35

629 769 139